李家超回应简约公屋过贵 称冷冰冰数字无计算市民艰苦

政府早前向立法会提交兴建「简约公屋」嘅方案，其中造价比传统公屋更贵，引起唔够效益嘅质疑。特首李家超今日喺一个经济论坛话，简约公屋系破格措施，为居住环境艰苦嘅市民，提供新选择，唔理解有人用唔同方式计算简约公屋系唔系物超所值，但以冷冰冰嘅数字，无计算每日喺厕所门口食饭丶厕所厨房差唔多地方，每日同木虱丶蟑螂一齐住嘅艰苦。

李家超又话，比较简约公屋及过渡性房屋造价唔合理，过渡性房屋只有几层高，但简约公屋兴建十几层，提供多一倍单位，电梯及打桩等设计都系必须。佢又讲到，简约公屋可以俾居住环境差嘅家庭提前一年上楼，咁先系能够处理脱困嘅数学。