江澤民遺體今日北京火化 習近平胡錦濤到場送別

前國家主席江澤民日前病逝，佢嘅遺體今日喺北京八寶山革命公墓火化，國家主席習近平、前國家主席胡錦濤、總理李克強等人，到醫院為江澤民送別，又護送遺體到八寶山。 聽日將會舉行江澤民嘅追悼大會，內地全國停止公共娛樂活動一日，多款網絡遊戲都暫停服務，內地股市亦會喺上午停止交易3分鐘。 喺香港，有中小學會進行默哀儀式，港交所聽日朝早場外交易數據會暫停顯示三分鐘，亦有商場暫停世界盃直播活動。