前國足主帥李鐵疑涉貪被查 報道指已供出三名國腳曾打假波

前國足主帥李鐵早前涉嫌嚴重違法被查，有傳李鐵涉案款項巨大，只係一間銀行就被查出超過一億人民幣存款，而佢又供出三名國腳曾經打假波。 《北京青年報》報道，多位足球媒體人都話，李鐵已供出三名前國腳，包括門將張鷺，其餘兩個人無透露姓名，但一位係李鐵同鄉，另一位係張鷺隊友。 張鷺2019年效力天津天海，但涉嫌喺同武漢卓爾嘅保級戰當中，被李鐵收買，目前傳張鷺亦已被帶走調查。