伊朗世界盃不敵美國出局 國內竟有球迷上街慶祝

伊朗今日凌晨喺世界盃分組賽0比1不敵美國，正式出局，伊朗近月爆發全國示威，球員喺複雜嘅政治環境下比賽，當伊朗隊出局後，國內竟有人上街慶祝。 有外媒報導，伊朗國家隊被視為政府象徵，出局代表政府受挫，所以反政府示威者表現得相當興奮，唔少係庫爾德族人。 伊朗球員亦陷入兩難，賽前有報道話，有球員被政府威脅，要求唱國歌以及唔可以作出抗議行為，否則家人會受到報復，不過依場比賽嗰陣，有球員繼續堅持唔唱國歌。