只收到3个「团出团入」登记 旅议会称意料之内

政府早前宣布允许旅行团「团出团入」，喺黄码期间，可以入主题公园丶景点，又可以喺指定餐厅食饭。旅议会话，目前只收到3个黎自泰国嘅入境团登记，又认为系意料之内。

旅游业议会主席徐王美伦话，3个泰国旅行团嘅行程大致相同，都系昂坪360丶天坛大佛以及浅水湾，又话即使当局增加黄码人士可进入嘅处所，入境旅客都唔会激增，相信12月会有更多入境团登记。

入境团旅行社协会创会会长谢淦廷就认为，团出团入只系「有好过无」，唔少地区已大开中门，香港先逐步放宽，需要时间加入竞争。