近年首個台灣旅行團出發 有團友希望見親人

因為疫情持續封關，港人已經好耐去唔到台灣旅行，不過，近日台灣逐漸解封，並開放港人旅行團入境。首個台灣旅行團今日出發，一團共18人。 縱橫遊常務董事袁振寧話，知道台灣開放旅行團後，就馬上開團，結果反應非常熱烈，收到幾百人查詢，但因為短時間內好多行政工作，有團友嘅簽證琴日先獲批。佢又話，打算之後再辦二十團。 有團友就話，幾年無去旅行，就算團費貴一成，都希望帶長者參加悠閒嘅旅行團，而有團友就希望到台灣同親人見面。