央行副行长范一飞涉违纪违法被查 二十大後首位部级官员落马

中国人民银行副行长范一飞涉嫌违法违纪，正接受调查，佢将会系中共二十大後，首位落马嘅部级官员，亦系罕有现任高层被调查。

范一飞喺央行负责管理金融科技及支付司，预料案件会对支付业嘅政策有重大影响，亦凸显中央打击金融腐败嘅决心。

内地传媒报导，范一飞被查嘅消息一直流传，佢日前仲出席一个二十大嘅宣读会。2020年蚂蚁集团上市触礁，当时范一飞曾话，问题唔单止系蚂蚁一间，对蚂蚁嘅措施都会推行到其他支付服务上面。