近日有人发现昂船州水域停泊咗一艘超级豪华游艇,原来系属於俄罗斯钢铁大亨莫尔达绍夫,佢被视为系俄国总统普京嘅盟友,现时被多个欧美国家制裁。
莫尔达绍夫嘅发言人回覆传媒查询时话,船主目前喺莫斯科,但不便透露游艇嘅去向,香港海事处就指,唔评论个别事件,但强调香港政府一直实施及执行联合国安理会嘅制裁,但个别国家基於自身考虑嘅单方面制裁,香港无权力亦唔会实施。
呢艘超级游艇被名为「Nord」,价值5.21亿美元,长142米,宽19.5米,有6层甲板,设有直升机停机坪丶运动及潜水中心。目前多国禁止俄罗斯富豪嘅游艇停泊,有已停泊嘅游艇甚至被扣押,所以唔少亲俄人士嘅富豪游艇都转泊喺亚洲国家。
更多精彩内容
请登陆
财华香港网(https://www.finet.hk/)或
现代电视(https://www.fintv.hk)