喺香港经营多年嘅连锁面包店凯施饼店近日传出,有部分员工未能收取薪金,而积金局亦证实,凯施饼店拖欠580名员工嘅8月强积金供款。凯施承认,由於财务上安排,部分员工无法如期发放薪金,正积极跟进,承诺今个星期出粮。
凯施话,受两年几嘅疫情影响,公司经营上面临前所未有嘅考验,已透过唔同开源节流嘅方案一直坚持,未来将致力加强与员工嘅沟通。
目前凯施嘅分店仍如常经营,有分店亦有贴上招聘告示,有工会正跟进事件,表示公司管理层已交代情况,有7成员工准时出粮,其馀员工公司正寻求解决方案。
更多精彩内容
请登陆
财华香港网(https://www.finet.hk/)或
现代电视(https://www.fintv.hk)