廖创兴後人接手豪华饼店　未来将在机场重开

九龙城老字号饼家「豪华饼店」近日店主打算结业，唔少市民趁结业前排长龙买饼，希望再一尝豪华出品嘅蛋挞，不过，日前传出饼店已搵到接手人，原来就系来自廖创兴家族嘅廖伟芬。

豪华饼店1970年代开业，一直喺九龙城都相当有名，不过随着区内人口老化，加上重建同埋疫情冲击，店主打算结业，正当市民以为再见唔到老饼店後，廖伟芬宣布接手。

廖伟芬有经营精品咖啡品牌，佢表示，与豪华饼店老板达成共识，明年会选址重开，并命名为「香港豪华饼家1977」，会保留原汁原味。佢又话，被老板同埋员工感动，希望保留更多老字号，但由於九龙城处於重建之中，未来可能选址喺赤腊角机场重开。