周大福错标价钱 夫妇4万购入25万金饰 法院判撤销交易

深圳周大福因为有人员错误标示价格，一对夫妇喺网上以4万元人民币，购入价值25万嘅金饰，周大福事後要求夫妇撤销订单，但夫妇唔同意，於是周大福告上法院，近日法院判撤销双方交易。

法院表示，从采购价钱到实际售价，涉案嘅金饰销售明显不符合正常商家嘅行为，被异常设置价钱嘅金饰亦不在少数，所以唔算故意欺诈消费者，夫妇都唔能够证实系低价促销，周大福亦多次向夫妇表示歉意，并进行赔偿，因此证明周大福喺网上销售嘅合同有重大误解，判双方嘅交易撤销。

判决引起网络热议，有网民就认为，如果当初喺周大福买金时6000，退回得番1500，又可唔可以取消交易，亦有网民指，如果唔撤销交易，员工就要赔钱，认同撤销嘅决定。