內地一城市成港人躺平聖地？ 4大優點獲激讚：可過半退休生活

網民以「惠州算唔算香港人既躺平聖地？」為題發帖，引發網民熱議，樓主在帖文中提出多個惠州對港人的優點，綜合為四方面，包括交通方面，來往香港的交通費便宜：「過完關坐高鐵去到惠陽都係35分鐘內，單程$2X人仔」，不過，樓主指出「揸車或叫車要45-50分鐘，單程$110（人民幣）。樓主又指，惠州膳食方面費用便宜，而且選擇多：「人仔食中午飯$1X-$2X，大把選擇，仲要唔難食，無限任加飯加湯。」樓主認為，惠州位置「又近深圳，香港人而家咁興返深圳玩，啱晒，惠州直頭有深圳地鐵站」。此外，當地樓價便宜，「啲樓都唔差，2000尺，月供都係$5000，首期好多都2-3萬。」他表示，就算在港打工一族，亦可考慮在惠州買樓，在周六、日返惠州過休閒生活：「瘋狂叫外賣又平，養下寵物又得」。（惠州）地大人少、物價低、近香港，惠州真係有得諗。」 帖文引發熱烈迴響，有網民留言表示「之前有個同事係咁就係惠州買咗樓，放假前一日收工就上深圳，深圳擺埋架車直接揸上去」。有網民又表示，有親戚退休後搬到惠州生活，連狗都係香港帶過去，買埋架車周圍去。」 有網民亦認同樓主，指「惠州係貪佢平得嚟又近香港」，「廣州佛山依家貴到Ｘ街」，不過不少網民指各人情況不同，難一概而論，對樓主的論點提出各種質疑，指「非真能躺平」。在樓價方面，網民認為並不算特別便宜，樓主提出惠州買樓「月供都係$5000」，批評「月供5000點躺平」，「食嘢雜費養女加埋冇萬幾夠Ｘ洗？」 有網民認為買樓置業風險大，要欲試住，可以「租下算，輸極有限」，「惠州月租1、2千，住舊就搬，又可以轉下環境。」 至於交通，有網民指出「點搞呀，直通巴士要3、4個鐘，不如買大灣區算啦」，「香港西九龍去惠州北車程一個鐘，你都要預時間早D買飛架，當高鐵係地鐵咩，落高鐵又要駁車都要時間架......」另外，有網民又認為「惠州主要客家人，講客家話，香港人去返中山嗰邊好啲」。