拍拖6年擬拉埋天窗 男方只肯影結婚相 港女一再退讓：淨搞觀禮 準新郎堅拒 絕情說出6個字......

近日，一位港女在網上發文傾訴，她說與交往6年的男友訂婚後，卻因婚禮籌備問題產生嚴重分歧。女事主表示，男友求婚時場景浪漫，求婚嘅場景係我想像過嘅，所以我都開心咁答應咗，但談及婚禮安排時，男方態度強硬。甚至拋出狠話。 我話佢知我理想係細搞嘅輕婚禮，大約邀請40-50位最親嘅家人同朋友，唔擺酒，淨係請佢哋觀禮證婚，之後影下相，食吓小食咁，我問佢會唔會諗住約我哋兩家人食餐飯先。 而佢話佢咩都唔想搞，好討厭婚禮嘅細節流程，一嚟佢親戚朋友唔多，唔想做show（表演），二嚟佢覺得呢啲嘢嘥錢，留番喺未來生活用好過，佢唯一接受到嘅就係影結婚相。 我話：咁如果只係刪減到得觀禮部分呢？ 佢話：sorry（對不起），做唔到，你去搵其他人。 「你去搵其他人」這6個字，令她心碎不已陷入兩難，不少網民直言兩人觀念不合，勸她慎重考慮婚姻，警惕「戀愛腦」。 帖文引發熱議，多數網民認為男方態度自私，缺乏溝通意願，直言「未結婚就要委屈，將來只會更痛苦」。有人分析：「今日是婚禮分歧，明日可能是生育、買樓等更大矛盾。」強調婚姻需雙方協調，而非單方面遷就。亦有網民提醒：「真正愛你的人，再討厭也會陪你完成心願。」勸她勿因6年感情而將就。 部分人則站在男方角度，猜測他可能經濟壓力大，但更多聲音指出，問題核心在於態度：「一句『搵第二個』已顯露不尊重。」網民鼓勵事主重新審視關係，思考未來是否願持續妥協，「上錯車及早落車，路才不會越走越遠」。 這次婚禮籌備的分歧，雖然讓準新娘感到委屈，但也成為兩人關係的重要考驗。婚姻本就是雙方價值觀與生活態度的磨合，而這次事件正是一個契機，讓彼此更深入瞭解對方的想法與底線。