港股成交薄弱仍未見長線資金入場

自3月美國爆發銀行危機後，大量美元存款流向貨幣基金，銀行缺水逼住收緊信貸，坊間流動性開始變為較緊絀。稍後提高債務上限後，財政部將加快發債，未來幾個月市場游資會被發債抽走，屆時市場流動性更為不足，對於資金本來已短缺嘅地方銀行非好事。若然銀行未能發揮借貸功能，未能向中小企提供融資，一旦出現流動性問題，美股就有機會出現較大調整壓力。 今日港股可能都要再向下，不過19000-19200會有一定支持。睇嚟見好要收，只要望住騰訊跟巴巴業績之後表現，內地股市顯著向下，外資淨沽出，中外資繼續你買我沽，暫時中港股市仍然未見起色。尤其在成交淡薄下，未有資金入場大手買貨，即使長線資金入場買貨，都會用時間慢慢收集，基金買貨從來唔急，更會愈買愈低，既然如此，散戶又何必急住入場做先鋒部隊。