新加坡女抽中国泰来港免费机票 须付过千税金称难负担

香港政府举办免费派发机票活动，首轮面向东南亚旅客。一名新加坡女子就喺网上话，抽中咗国泰嘅免费机票，但发现要俾200新加坡币嘅税，即系大约1200港币，再加上食宿令佢难以负担，觉得好扫兴。 依名姓谭嘅女仔话，最初知道中奖好开心，但因为国泰只负担机票钱，其馀近1200港币嘅税要自己俾，佢话，去韩国或者欧洲嘅税大约都系300港币，可能只系国泰收嘅税就已经等如其他地方嘅机票钱。 国泰之後就回应，报导所指嘅107坡币系国泰代政府收取嘅税项以及附加费，而87蚊系燃油附加费，国泰喺条款入面都标明咗，得奖者要承担附加费。