旅客隨街吃飯議員要求監管　政府稱與業界討論解決方案

近日唔少內地旅行團喺香港各處旅遊，有市民反映有內地客喺街邊「食飯盒」，造成街道擠塞。九龍城區議員李慧琼話，旅客重返香港值得高興，但食肆人流唔受規管，對區內居民造成滋擾，建議要求食肆控制到人流先可以發牌，另外，佢又建議旅客分流到郵輪碼頭。 李慧琼話，旅客再黎唔應該造成雙輸嘅局面，要求當局同內地保持溝通，唔應該鼓勵零團費旅行團，要旅客透過購物黎補貼團費。 旅遊事務專員沈鳳就話，留意到土瓜灣區內食肆人流管理有問題，會同食肆代表見面，又會再同旅行社商討解決方案。