瑞銀250億收購瑞信 多國央行表示歡迎

瑞士信貸近日陷入資金危機，但仍獲得多方面注資。瑞銀集團宣布，將會以30億瑞士法郎收購瑞信，大約係250億港幣。另外，瑞士央行會提供1000億瑞士法郎嘅流動性，又會為瑞銀嘅潛在損失提供90億擔保。瑞信嘅價值比起2007年高峰期減少咗超過9成。而瑞信上星期嘅收市價值約620億港幣，比起收購價亦都大跌。 瑞士聯邦委員會通過緊急法令，允許未經瑞信股東批准下完成收購，主席貝爾塞話，一旦瑞信唔受控制倒閉，會對瑞士以及國際金融體系帶黎無法計算嘅後果，所以今次收購有重大意義。 歐洲央行以及美國財政部、聯儲局都對結果表示歡迎。