李家超访京观升旗礼　称心情格外振奋

特首李家超继续访京行程，佢日前拜见咗外交部长秦刚，今早喺天安门睇升旗礼，李家超喺社交平台话，上任之後首次喺北京睇升旗礼，心情格外振奋。 李家超话，睇着国旗喺风中飘扬，庄严而神圣，令佢谂起国家经过长期奋斗，各方面都取得骄人成就，综合国力日益强大。身为中华儿女都应感到自豪同埋骄傲，更努力为国家嘅发展作出贡献。 李家超走访多个中央部委及机构，琴日又同香港驻京办嘅人员行街市，体验老胡同生活。