前CBA球员指控天津市篮协主席索贿　纪委介入调查

前中国男子篮球职业联赛球员孟祥宇近日喺社交平台指控，天津市篮协主席张润起向佢索贿12万人民币，又用各种理由扣减佢嘅薪金近20万，更威胁佢同佢嘅家人。 孟祥宇话，天津市纪委监委已介入调查，又话自己会启程去天津，佢向关注事件嘅人话，相信正义唔会缺席，只系迟到。 孟祥宇身高221CM，早年效力辽宁青年队，曾经去美国就读高中，2014年回国後效力天津男篮，佢2017年开始控诉喺天津男篮遭遇不公。