台女星游泰遭警勒索　泰国当局先否认後承认收钱

台湾女艺人安于晴早前到泰国旅行嗰阵，俾泰国警察勒索，要求佢支付2万7千泰铢，先放行佢同佢嘅朋友。安于晴喺社交平台公开事件，泰国当局首先否认，但之後改口承认事件。 泰国国家警察总长丹隆萨话，作为国家警察嘅负责人，向事件嘅受害者致歉，佢又强调，泰国仲有好多好警察，一定会继续为游客提供最好保护。 事发嗰阵，安于晴同朋友坐网约车番酒店嗰阵遇到临检，之後有警察要求佢哋俾钱避开检查，安于晴俾钱离开，之後公开事件，泰国警方最後拘捕7名警察。