專家續倡設獨立調查委員會檢討疫情　梁栢賢:這是管治責任

近日有專家建議政府設獨立調查委員會，檢討疫情下嘅應對措施，但特首李家超琴日明言唔同意。政府專家顧問孔繁毅認為，獨立調查可以邀請唔同海內外專家參與，效果更宏觀以及有公信力，如果政府自己檢討會有盲點。而前醫管局行政總裁梁栢賢就話，明白如果有調查委員會，政府部門會有壓力，但認為就算唔係調查，都應該有檢討。 孔繁毅話，疫情期間好多措施都有改善空間，例如果長者等候入院時間唔理想，醫護人手不足等等。 沙士期間擔任衞生署副署長嘅梁栢賢就話，每屆政府都會發生疫情，如果今次唔檢討，下一屆政府就無辦法吸取教訓，依個係管治責任以及道義。