新民党倡增博彩税遭马会反驳 叶刘：马会赚少点就可以

新民党近日提倡大幅增加香港足球博彩税30%，马会之後发声明，话新民党对行业欠缺了解，加税建议会摧毁香港作为顶尖赛马地区嘅世界地位。 马会话，加税之後，马会嘅收益会下跌60亿至90亿，盈利消失，甚至出现亏损，令马会冇法为社会作出贡献，又话要与外围竞争，如果削弱马会竞争力，只会得不偿失。 新民党主席叶刘淑仪就认为，马会喺疫情期间仍有唔少收益，又话早前同马会行政总裁会面，对方表示唔系唔可以加税，但提出更多运动项目容许赌博，证明马会考虑交换条件，佢又话，马会只要调整赔率，「赚少一啲」，就可以增加收入。