新西兰总理突然请辞　曾经是全球最年轻女性领袖

新西兰女总理阿德恩突然宣布辞职，震惊当地政坛。阿德恩话，佢已经冇精力带领工党喺大选之中胜出，所以决定退位，佢将会继续就任议员。目前工党喺民调之中落後。 今年42岁嘅阿德恩，2008年只系28岁就做国会议员，2017年成为工党领袖，同年出任总理，系当时全球最年轻嘅女性国家领袖。 阿德恩担任总理以黎，民望一直唔错，阿德恩政府处理疫情得宜，化解任内各种危机，但目前经济未能稳定，令民望有所下降，佢亦提到，想有更多时间放喺家庭之上，所以无意继续担任总理。