內地流通新冠仿製藥　上海當局檢測後發現9成假

內地疫情持續，但內地早前未引入新冠口服藥，正版口服藥炒至過萬蚊人民幣，唔少人都自己搵仿製藥，一盒都要3000蚊左右。 上海官方闢謠平台近日就發文，話市面上仿製藥充斥假貨，送檢之後，有9成仿製藥都係假藥，部分甚至只係澱粉或碳酸鈣，冇驗出有抗病毒成份。 目前內地流動嘅仿製藥大多黎自印度、柬埔寨、老撾等地，因為綠色及藍色包裝，所以被稱為綠盒、藍盒。