曾稱共存如共赴黃泉 盧寵茂：將檢疫責任交回給市民

政府琴日取消疫苗通行證、限聚令等多項防疫措施，曾講過與病毒共存等於共赴黃泉嘅醫務衛生局局長盧寵茂話，新冠疫情與三年前唔相同，但唔需要將新冠同流感比較，兩者有好大差異，又話係時候將檢疫責任同埋權力交俾市民。 盧寵茂話，過去半年政府防疫方向穩定，考慮社會以及經濟，朝復常方向發展，但又話唔需要太過斟酌新冠同流感嘅比較，唔應該淡化新冠對市民健康嘅影響，放寬唔等如放棄。 佢又話，隔離密切接觸者嘅成本太高，係時候將檢疫同埋預防責任交俾市民，由市民自己留意症狀。