內地放寬防控確診不升反降 胡鍚進質疑數字不真實

內地近日放寬疫情防控，不過每日確診數持續下降，甚至比起放寬前少近一半，全國過去一日新增16592宗，比起放寬前近4萬宗少。前《環球時報》總編輯胡鍚進就質疑官方數字唔真實，比起佢直接觀察以及網上信息互相矛盾。 胡鍚進話，佢周圍嘅感染者喺度快速增加，認為北京單日新增感染，已經超過上海年初嘅最高峰，甚至單日超過2萬宗。佢話，唔知道邊啲地方報嘅數字係事實，但有唔少地方數字嚴重脫離實際情況，令佢擔心。 佢又話，無論數字幾大，公眾都唔會怕，如果唔報數字，大家都理解，但如果社會允許誤差數據繼續報落去，就不利維護官方信息嘅嚴厲性。