近日香港疫情再度升溫,但香港大學生物醫學學院教授金冬雁認為,疫情只係微升,整體仍然平穩,好多市民已自然感染及接種疫苗,疫情預料唔會一直升溫。佢又建議減少強制核酸檢測,改為快測,如果唔係,唔同人群去檢測嗰陣,好容易造成交叉感染。 內地近日逐漸放寬防控,金冬雁預計,內地爆發疫情嘅機會較高,唔贊成一次過喺冬季放寬防疫,佢認為,內地最重要係以保護醫院及長者為最高目標,守好防線。 至於內地部分地方取消健康碼,香港應唔應該跟隨,佢就認為,疫苗通行證措施無助鼓勵長者接種疫苗,香港仍有11萬80歲以上長者從未接種,成為疫情最大隱憂,當局應考慮變招。
更多精彩內容,請登陸
財華香港網 (http://www.finet.hk)
現代電視 (http://www.fintv.com)