美國多州禁TikTok 馬里蘭州禁多款中資手機程式

美國馬里蘭州琴日通過緊急指令，禁止使用TikTok、Wechat及支付寶等中資手機程式，馬里蘭州共和黨籍州長霍根話，一啲中國及俄羅斯公司嘅產品及平台對馬州構成唔可接受嘅網絡安全威脅，又話可能涉及網絡間諜、監視政府實體以及不當收集敏感個人資訊。 指令包括華為、Tiktok、中興、騰訊、阿里巴巴及卡巴斯基等公司，當局要求機構要移除依啲產品，防止使用及登入，另外，南達科他州亦禁止咗政府設備使用TikTok，而威斯康星州亦有議員呼籲政府刪除Tiktok。 美國Tiktok嘅行政總裁帕帕斯就強調，公司會保護美國用戶，中國政府唔會獲得依啲數據。