內地防疫轉向 香港政界憧憬放寬通關檢疫措施

內地防疫政策近日出現重大改變，各地開始放寬防疫政策，有報道話，香港政界開始熱傳內地明年一月會放寬入境檢疫，包括2+3或0+3嘅檢疫方案，即係兩日酒店檢疫，或只需要三日家居檢疫。 報道講到，政界人士肯定內地喺度評估放寬入境檢疫嘅可能，但點放寬係言之尚早，要視乎放寬防控措施後，疫情反彈對整個醫療系統嘅考驗。至於一直討論嘅「逆隔離」入境內地方案，相信已冇再討論。報道話，逆隔離成本高，要大量人員閉環管理，每個單位每月開支高達9萬蚊，政府又唔可能收費，會造成嚴重嘅財政負擔。 另外，專家及商界都希望將快測取代核酸，政府內部亦認為有調整空間，政府亦知道，同內地通關先係關鍵。