江澤民追悼大會今日舉行 習近平讚卓越領導人

前國家主席江澤民日前逝世，享年96歲，佢嘅追悼大會今日舉行，上午10點全國默哀3分鐘，國家主席習近平喺儀式致詞，佢讚揚江澤民係「各族人民公認嘅享有崇高威望嘅卓越領導人」，又指佢係「第三代中央領導集體嘅核心，三個代表重要思想嘅主要創立者。」 習近平又回顧江澤民一生貢獻，指佢堅持改革開放，積極展開外交鬥爭，為中國發展打下堅實基礎，又稱會繼承江澤民嘅遺志。 江澤民遺孀王冶平坐住輪椅出席大會，神情悲傷。而喺香港，政府機構及全港中小學都有默哀，社區中心亦安排市民觀看追悼大會。