英小报传苹果有意收购曼联 疑斥资58亿英镑

英国多份小报报道，科技巨企苹果公司有意以58亿英镑，即系约546亿港币，收购英超足球队曼联，如果成事，就会打破车路士5月嘅收购价，曼联亦成为全世界最有钱嘅球会。 曼联老板加沙家族日前传出有意放售曼联，佢哋2005年以8亿英镑收购曼联，报道话，加沙家族最先开价82.5亿英镑，但预计苹果会出手58亿。 苹果从未收购过球队，报道指，苹果睇中咗曼联背後庞大嘅商机，不过，无论边个收购曼联，都要为奥脱福球场俾15亿嘅重建费用。