暴龍骨化石原定香港拍賣突取消 疑用了另一暴龍複製骨

香港原定喺11月30日會舉辦一場暴龍骨化石嘅佳士得拍賣會，但近日突然取消，依具高4.6米，長12米，叫做尚神嘅暴龍骨化石，被專家質疑用咗另一幅暴龍嘅複製骨黎還原。 尚神喺美國蒙大拿州出土，估計係一隻生活喺6700萬年前白堊紀嘅暴龍，佳士得預計拍賣可達1億兩千萬至2億港幣，不過，一間化石研究公司，質疑尚神嘅複製骨數目，同宣傳品描述唔一樣，又話尚神嘅頭骨，用咗另一隻叫做「斯坦」嘅暴龍頭骨黎複製，認為有誤導性。 佳士得最後決定取消拍賣會，話需要進一步研究。