電影公司告「幾分鐘看完電影」頻道 日法院判被告賠2800萬

由東寶、東映及松竹等13間日本電影公司，月前向3名Youtuber提告，指控佢哋製作「幾分鐘睇完電影」嘅系列影片侵權，日本法院判電影公司勝訴，被告要合共賠5億日圓，大約2800萬港幣。 「幾分鐘睇完電影/劇集」係近年好流行嘅影片主題，滿足嗰啲鐘意「即食文化」同埋無耐性嘅觀眾，但就被批評破壞電影文化，東京地方法院法官認為，依種影片每播放一次，就造成200萬日圓損失。 台灣曾經都有影片製作者被告，名為谷阿莫嘅Youtuber就被多個片商提告，最後要賠償過百萬台幣。