富士康疑爆疫工人大逃亡　廠方承認無力支撐局面

河南鄭州嘅富士康工廠區疑爆發疫情，唔少工人徒步逃離工廠，有工人話，感染者被隔離喺爛尾樓，甚至無飯飯無藥醫，迫使大量工人寧願徒步番屋企，鄭州富士康黨委書記蘇東霞承認，廠區無力支撐，只能默許員工自行回鄉。 內地社交平台不時傳出富士康爆發疫情，有員工造，廠區越來越多確診，物資缺乏，公司未有按承諾提供三餐，又無法外出買物資，因此唔少人都寧願徒步離開，估計最少有2000人。 河南多個城市已宣布，準備好迎接富士康員工番屋企，會做好隔離措施。而蘇東霞嘅公開信就話，廠區有20萬人，唔單止係一間公司，管理難度好大，內部已努力調配資源，但外部支持較少，廠方無力支撐，只能俾員工自行回鄉。