受多国制裁的俄国富豪游艇停泊香港　港府称不实施个别国家的制裁

近日有人发现昂船州水域停泊咗一艘超级豪华游艇，原来系属於俄罗斯钢铁大亨莫尔达绍夫，佢被视为系俄国总统普京嘅盟友，现时被多个欧美国家制裁。 莫尔达绍夫嘅发言人回覆传媒查询时话，船主目前喺莫斯科，但不便透露游艇嘅去向，香港海事处就指，唔评论个别事件，但强调香港政府一直实施及执行联合国安理会嘅制裁，但个别国家基於自身考虑嘅单方面制裁，香港无权力亦唔会实施。 呢艘超级游艇被名为「Nord」，价值5.21亿美元，长142米，宽19.5米，有6层甲板，设有直升机停机坪丶运动及潜水中心。目前多国禁止俄罗斯富豪嘅游艇停泊，有已停泊嘅游艇甚至被扣押，所以唔少亲俄人士嘅富豪游艇都转泊喺亚洲国家。