國家招募太空人 中央首次在港選拔載荷專家

國家宣布啟動第四批預備太空人嘅選拔工作，中央同時宣布，載人航天工程會首次喺港澳地區選拔載荷專家，特首李家超表示，依個係振奮人心嘅喜訊，極具歷史性意義。 載荷專家係屬於非職業太空人，負責處理飛行器或太空站上嘅機密設備，進行太空實驗，所以會集中喺從事空間科學研究及應用相關領域嘅科研人員中選拔。 預計大概會選拔兩名載荷專家，而基本條件係擁有博士學位，包括專業為生物學、醫學、天文學、電子工程等等，身高由162CM至175CM，要無過敏體質、心理健康等等。