南韩总统尹鍚悦继续进行北美访问行程,佢日前受邀出席纽约一个会议时,喺台下被南韩电视台影到用粗言骂美国国会,但南韩总统发言人澄清,尹鍚悦系闹国内反对党。 尹鍚悦受拜登邀请,出席今次会议,会议系呼吁为中低发展度嘅国家筹集经费,终止爱滋病及肺结核等病,美国将会捐出60亿美元,南韩亦会捐出1亿美元。 不过,刚刚喺台上与拜登交谈嘅尹鍚悦,喺台下同幕僚闲聊时,被南韩电视台影到佢讲:如果呢班美国狗杂种议员唔通过,拜登嘅面子要放喺边? 电视台播出片段後,南韩民主党批评尹鍚悦损害国家尊严,但总统发言人就澄清,尹鍚悦闹嘅系南韩民主党,佢意思系如果南韩国会唔通过,佢自己点对得住拜登。 但解释似乎不被南韩国内接纳,因为早前美国众议院议长佩洛西访韩,尹鍚悦宁愿出席其他活动,都以休假理由唔接待佩洛西,被认为佢对美国国会反感。
更多精彩內容,請登陸
財華香港網 (http://www.finet.hk)
現代電視 (http://www.fintv.com)